O Concello de Rianxo, a través da súa área de Cultura, compartiu a axenda conmemorativa dos Actos Castelao 2023, un completo programa de actividades que teñen o nexo común de honrar a figura do ilustre rianxeiro (a por extensión a cultura galega) e que inclúe, entre outras propostas, estreas teatrais, presentacións literarias, concertos, recitais de poesía e exposicións. Comezan este xoves 19 de xaneiro coa preestrea de A Nai, de Amorodio Teatro, compañía que estivo estes días realizando unha residencia técnica no Auditorio Municipal da vila rianxeira, co obxectivo de dar forma á dita función: unha obra dirixida por Marián Bañobre e escrita por Laura Porto que nos achega á historia silenciada durante anos das Irmás Touza (Lola, Julia e Amparo), veciñas de Ribadavia e salvadoras dunha cantidade estimada de 500 persoas xudías durante o Holocausto.
XOVES 19 DE XANEIRO
-20:00 h, Centro Sociocultural-Auditorio, Sala Arcos Moldes (teatro)
Preestrea, A Nai a cargo de Amorodio Teatro
VENRES 20 DE XANEIRO
–20:30 h, Centro Sociocultural-Auditorio, Salóns de Actos (1º andar)
Presentación do poemario Diorama, de José Carou Rey. Acompañando o escritor, estarán Adolfo Muíños, alcalde de Rianxo, o ilustrador Salvador Laíño, e Francisco Castro, director xeral de Editorial Galaxia
SÁBADO 21 DE XANEIRO
–20:30 h, Centro Sociocultural-Auditorio, Sala Arcos Moldes (teatro)
Concerto A música de onte e hoxe, a cargo do grupo Onte e Hoxe
VENRES 27 DE XANEIRO
-20.30 h, Centro Sociocultural-Auditorio, Sala Arcos Moldes (teatro)
Presentación da publicación Días de Intemperie, de Antón Riveiro Coello. Coa participación do propio autor, Xesús Laíño (vogal da A. C. Barbantia), Milagros Torrado (secretaria da A. C. Barbantia), Marcos Calveiro (director de Edicións de Galaxia) e Adolfo Muíños (alcalde de Rianxo). Intervención artística a cargo de Alfonso Costa. Apertura e peche musical a cargo da Escola de Música de Rianxo
SÁBADO 28 DE XANEIRO
–12:00 h, Paseo da Ribeira (busto de Castelao)
Ofrenda floral e intervención de autoridades
-20:30 h, Centro Sociocultural-Auditorio, Sala Arcos Moldes (teatro)
Xirando, concerto poético-musical de Noelia Gómez e Rui Grenha
EXPOSICIÓN
Do 3 de xaneiro ao 1 de febreiro
Centro Sociocultural-Auditorio (sala de exposicións)
XVI Premio Luís Ksado de Creación Fotográfica da Deputación Provincial da Coruña
