A Garda Civil identificou a un veciño do Porto do Son como presunto autor do roubo dunha bicicleta eléctrica en Noia, o hone conta con numerosos antecedentes policiais. A bicicleta está valorada en máis de 3.000 euros. A investigación iniciouse a principios de novembro cando o propietario da bicicleta eléctrica denunciou o roubo do vehículo de dúas rodas que gardaba nun garaxe comunitario.
O presunto autor aproveitou a súa estancia en Noia para roubar a bicicleta eléctrica e posteriormente trasladala ao seu domicilio no autobús que une ambas as localidades. Tras a identificación recuperouse a bicicleta, que foi entregada ao seu propietario.
