Un particular informou ao 112 Galicia contra as 23 horas da noite de onte, explicando que había unha persoa no interior dun vehículo cuberto parcialmente pola auga, na rampla do peirao de Cabo de Cruz, en Boiro.
O coche quedara situado entre dúas vigas, polo que o persoal de Urxencias Sanitarias de Galicia-061 solicitou a colaboración doutros servizos de emerxencias a fin de evacuar ao implicado. Entón, os xestores do 112 informaron a Salvamento Marítimo, ao Servizo de Gardacostas de Galicia, á Garda Civil, así coma aos axentes de Tráfico, aos Bombeiros de Boiro e de Ribeira e aos membros de Protección Civil de Boiro.
Sen embargo, foi un buzo que se atopaba na zona o que conseguiu sacar do vehículo á persoa, que foi trasladada ao Hospital do Barbanza. Os Bombeiros de Boiro encargáronse de asegurar o vehículo para evitar que o arrastrase a marea.
