O Concello de Ribeira por medio do seu alcalde Manuel Ruiz firmou esta mañá sendos convenios de colaboración con cinco organizacións sociais do municipio para respaldalas un ano máis nos seus obxectivos. En concreto estas asociacións son A Creba, Ambar, Amicos e Renacer e a Fundación Faibén de Apoio á Infancia.
No acto, na que tamén estivo presente a concelleira de Servizos Sociais Ana Barreiro, Ruiz Rivas destacou o labor que estas entidades están a realizar no noso municipio en aras a reducir a desigualdade e expresou o seu desexo de poder subir o ano que vén o importe das axudas que se lle conceden nos seus correspondentes obxectivos.
De feito, este ano rexistraron un pequeno incremento ata alcanzar os 3.400 euros por entidade. As subvencións contribúen a financiar o proxecto “Vivindo en comunidade” de Ambar), as campañas informativas e de sensibilización de drogas, uso e abuso de novas tecnoloxías, embarazos non desexados e VIH/SIDA de Renacer, o programa de transporte de usuarios de A Creba, o servizo de atención psicopedagóxica de Amicos e o proxecto Contigo de Faibén.
