O Centro Social de Boiro vai dar acollida esta semana a unha nova actividade divulgativa enmarcada no ciclo de relatorios A Orixe, que trazan e reivindican diversos aspectos turísticos, históricos e culturais da nosa comarca en relación ao Camiño de Santiago. A charla A hospitalidade no mundo xacobeo celebrarase este xoves 8 de decembro ás 19.30 horas e virá da man de José M. Salgado. Abéirase como dixemos ao ciclo A Orixe que desenvolve a Asociación de Amigos do Camiño A Orixe a través da Mancomunidade Barbanza Arousa, e que xa deparou citas divulgativas con Manuel F. Rodríguez (na Pobra o 26 de novembro) e Lois Celeiro (en Ribeira o 29 de novembro). O ciclo terá continuidade o vindeiro 11 de decembro, no Auditorio de Rianxo, da man de Manuel Garrido, que ofrecerá o relatorio Rianxo e Padrón na tradición xacobea.
