O Concello de Boiro celebra esta fin de semana a XVIII Exposición da Camelia Sasanqua e outras no Pazo de Goiáns. No acto de inauguración participaron o alcalde, José Ramón Romero, e o concelleiro de Turismo, Carlos R. Muñiz.
Os preto de 40 expositores que participan nesta edición da mostra realizaron unha visita guiada polo Pazo de Goiáns realizada polos Quinquilláns. Ás 17.00 horas tivo lugar a plantación dun exemplar de camelia, cedido por Begoña Franco, na inmediacións do Pazo e a inauguración da mostra. O alcalde, José Ramón Romero, agradeceu a todas as persoas que participan “e que fan que esta mostra vaia a mais cada ano e que Boiro sexa un referente da camelia”.
Seguidamente o paisaxista Rafael Ovalle realizou a presentación dun proxecto paisaxístico para os xardíns do Pazo de Goiáns. “Un proxecto sostible, acorde aos recursos do Concello e que ten como finalidade que os xardíns do Pazo entren no ranking de Xardíns de Excelencia Internacional”, afirmou o concelleiro Carlos Muñiz.
Os mais de 70 metros de flor que forman a XVIII Exposición da Camelia Sasanqua e outras do Concello de Boiro poden visitarse no Pazo de Goiáns o domingo en horario de 11.00 a 14.00 horas e de 17.00 a 20.30 horas.
