A Casa da Cultura de Outes vai acoller unha nova conferencia de divulgación abeirada á celebración das XVII Xornadas de Información Sociosanitaria e as segundas Xornadas do Programa Universitario de Maiores en Outes (Cuarto Ciclo da USC), que se celebran entre outubro de 2022 e maio do ano que vén.
A cita será este xoves (quinta feira) 16 de decembro ás 18.30 horas. O tema a tratar será a vacinación do papiloma en varóns e a poliomielite e o síndrome postpolio. O relatorio virá da man do doutor Ángel Lado Llerena, médico de Atención Primaria de Outes. O ciclo está a ser coordinado por Xosé Mª Dios Diz, médico especialista de Atención Primaria de Outes.
