O Concello de Dodro fixo balance da actividade solidaria despregada dende Servizos Sociais e Benestar, no que a doazóns materiais se refire. Segundo fan saber dende o Consistorio, repartíronse este ano que está a piques de rematar arredor de 4.000 quilogramos de alimentos entre familias vulnerábeis. A actividade foi financiada en colaboración con Balrial, contándose con fondos propios e da Deputación da Coruña con cargo ao POS SOCIAL 2022. O Concello agradeceu o labor do persoal municipal implicado. A semana pasada, sen ir máis lonxe, distribuíuse o último envío do ano.
“Continuamos traballando de cara ao novo exercicio para ver tamén de mellorar esta e outras iniciativas”, explican dende o Concello, lembrando que “para formar parte deste ou doutros programas dependentes de Servizos Sociais e Benestar, a cidadanía pode informarse ao longo de todo o ano, con cita previa, no número de teléfono 981 80 24 66”.
