O Concello de Outes vén de resolver a concesión de axudas destinadas á adquisición de material informático para estudantes de tódolos niveis educativos residentes no termo municipal. Presentáronse un total de quince solicitudes das cales resultaron beneficiadas once, ao superar as outras catro os niveis de renda establecidos nas bases da convocatoria. As axudas, destinadas a merca de ordenadores, impresoras e outro material informático, están financiadas co POS+2022 destinado a gasto social, sendo a segundo ano que se convocan polo concello Outense.
O número de beneficiarios foi inferior ao da convocatoria de 2021, onde se atenderon 55 solicitudes, xa que este ano se excluía aos beneficiarios do ano anterior. O alcalde, Manolo González, indicou que grazas a esta liña de axudas facilítase a dixitalización na educación e a igualdade de oportunidades, ademais de favorecer a fixación de familias novas no concello.
