O Concello de Boiro organiza esta fin de semana a XVIII edición da Exposición da Camelia Sasanqua e Outras. A mostra terá lugar no Pazo de Goiáns e estará aberta ao público o sábado 17 en horario de tarde e o domingo 18 pola mañá e pola tarde.
O evento vai contar con 40 expositores de Galicia de diversas zonas de Galicia e tamén de Asturias.
Durante a mostra vaise expoñer tamén unha colección de láminas de Manuel Hermida.
A mostra deste ano inaugurarase ás 17.00h e comezará coa plantación dunha camelia nos xardíns de Goiáns, un exemplar de sasanqua doada por Begoña Franco. Ás 17.30 horas terá lugar no interior do inmóbel a presentación do Proxecto paisaxístico dos xardíns do Pazo de Goiáns realizado por Rafael Ovalle.
A mostra de camelias poderase visitar no interior do Pazo de Goiáns o sábado en horario de 17.00 a 20.30 horas e o domingo pola mañá de 11.00 a 14.00 horas e de 17.00 a 20.30 horas.
