Dende a semana pasada e até o 15 de xaneiro poderemos visitar no andar baixo do Consistorio de Outes a exposición de postais festivas feitas por persoas de tódalas idades que participaron no certame O Noso Nadal.
Esta actividade foi organizada polo Servizo de Normalización Lingüística de Outes e pretende dinamizar o uso da lingua galega e fomentar a creatividade.
Respecto do concurso de postais, os premios consistiron en varios lotes de libros e 300€ para seren gastados no comercio local. Esta é unha actividade que, ademais de promover o uso do galego, entre a poboación en xeral, e entre a mocidade e infancia, en particular, preténdese involucrar aos pais, nais, avós e avoas para que sexa unha actividade interxeracional.
O segundo dos concursos convocado ao abeiro de O Noso Nadal foi o de decoración. O obxectivo consistiu en promover que tanto veciñanza en xeral como negocios decoren escaparates, xanelas e fachadas. Convocouse un primeiro premio de 200 euros e un segundo valorado en 100 euros.
