O Concello de Ribeira compartiu un comunicado no que volve criticar a non aprobación dos Orzamentos Municipais e dá exemplos concretos das consecuencias deste feito, exemplos que xa se están a dar como a imposibilidade de prorrogar o contrato da profesora encargada da Escola Municipal de Música do Conservatorio, o cal provocou que este martes 13 de decembro non se puidera impartir a que era a última clase prevista para este ano.
No comunicado o Concello pide desculpas ao alumnado e aos pais e nais afectados e di que a súa intención é tentar “subsanar este contratempo coa entrada da anualidade 2023, de tal xeito que o día 8 se poidan retomar as clases con normalidade”.
Ademais de encargarse da Escola de Música Municipal (dirixida a nenos e nenas de 3 a 7 anos que queren iniciarse no mundo desta disciplina), a profesora tamén imparte algunhas materias no propio ensino oficial do Conservatorio.
