O Concello de Boiro, no marco da programación de actividades para festexar este Nadal, organiza unhas Xornadas de Realidade Virtual no Local Leñaverde do Centro Social de Boiro. As actividades vanse levar a cabo os días 23, 26, 27, 28, 29 e 30 de decembro e os días 2, 3, 4 de xaneiro en horario de 11.00 a 13.00 horas e de 16.00 a 20.00 horas.
Esta iniciativa tecnolóxica de lecer está destinada á poboación xuvenil e ten como finalidade “dar a coñecer as novas experiencias inmersivas”. Haberá xogos individuais e por parellas, e tamén competicións. A actividade conta coa colaboración do grupo de voluntariado Turbina e tamén é solidaria, coa recollida de alimentos para Cáritas.
As xornadas serán con acceso libre ata completar a capacidade máxima e farase recollida de alimentos non perecedoiros e produtos de hixiene e limpeza para as familias máis necesitadas do municipio.
