O CD Boiro, as Krusadas e Cruz Vermella organizan este domingo unha recollida solidaria de produtos de hixiene e limpeza

09 Decembro 2022

Con vistas a botar unha man agora que se aproximan as festas de Nadal, o CD Boiro vai organizar este domingo 11 de decembro unha recollida solidaria de produtos de hixiene e limpeza, contribuíndo ao importante labor humanitario das Krusadas Boirenses.

A iniciativa levarase a cabo en colaboración co Concello e Cruz Vermella de Boiro. Desenvolverase no marco do partido que disputarán no Campo Municipal de Barraña o Club Deportivo Boiro e máis o Ribadeo.

Os seareiros que queiran colaborar poderán facelo in situ no propio campo ou ben levando os produtos que vaian doar ao Consistorio ou á sede da Cruz Vermella no Centro Social de Boiro. O material recadado será distribuído por Cruz Vermella entre as familias máis vulnerábeis do termo municipal.

Outros artigos

Abertas as inscricións para a nova Andaina San Silvestre Rianxo

1 Dec 2023

BeOne Rianxo Piscina Municipal de Rianxo organiza unha nova edición da Andaina San Silvestre Rianxo. Será o 31 de decembro a partir das 10.00 horas. A distancia a percorrer será de 12 quilómetros. As inscricións están abertas e teñen un custe de 10 euros máis a achega...

+

A ABE colabora coa campaña de Nadal de AGADEA Alzhéimer en Boiro

1 Dec 2023

Na mañá deste venres 1 de decembro, usuarios e técnicos da Asociación Galega de Axuda aos Enfermos de Alzhéimer (AGADEA) achegáronse as oficinas da ABE (Asociación Boirense de Empresarios) para entregar 50 bólas decorativas elaboradas a man polas persoas participantes...

+

Publicidade

Revista en papel

Máis números

Opinión

“O falar das pedras”. Luís Celeiro

“O falar das pedras”. Luís Celeiro

O falar das pedras é moito falar. Din o que saben, o que pasaron e o que será. As pedras gardan as mensaxes do tempo, as raias dos anos, dos miles e millóns de anos e cóntannolo aos que as escoitamos, aos que as miran e as queren. Millóns de anos escribindo e deixando...