A Axencia de Doazón de Órganos e Sangue (ADOS) fai un chamamento xeneralizado á participación de toda a cidadanía na doazón de sangue e, de forma especial, aos doantes dos grupos 0 positivo e A positivo.
Segundo informou a Xunta, debido ás baixas reservas dos grupos 0+ e A+, este martes reprogramaron unha vintena de intervencións cirúrxicas non urxentes en pacientes que pertencen a estes grupos. Así, os afectados serán citados de novo “tan pronto como sexa posible”. Desta forma, explicou que a demanda de compoñentes sanguíneos e a coincidencia de días festivos na mesma semana provocaron unha diminución nas reservas de sangue. Ante isto, a Xunta fai un chamamento á doazón de todos os grupos sanguíneos.
Así mesmounha das dez unidades móbiles da ADOS visitarán nestes días os diferentes concellos de Galicia para conseguir as doazóns necesarias e deste xeito este xoves unha das unidades móbiles estará en Jealsa e o venres e sábado en Boiro.
