A Asociación Cultural Barbantia entregou os galardóns da nova edición dos Premios Barbantia da Cultura (2022).
Son os que citamos a continuación:
-Premio Barbantia á Traxectoria Cultural no Barbanza 2022: a poeta noiesa Ana Blanco.
-Premio Barbantia á Iniciativa Cultural no Barbanza: Museo do Gravado de Artes (FMAG).
-Premio Barbantia da Cultura Galega 2022: o académico Xesús Alonso Montero.
A Asociación Cultural Barbantia organizou este 12 decembro, no Pazo de Goiáns (Boiro), a gala dos XVI Premios Barbantia da Cultura 2022, cos que se quixeron recoñecer, novamente, as máis destacadas contribucións creativas do que vai de ano na nosa comarca.
Ademais da entrega dos sereos (as esculturas da artista noiesa Soledad Penalta que dan forma aos galardóns), a gala tamén serviu de presentación do Anuario de Estudos do Barbanza, escolma de artigos que reúne máis dunha ducia de traballos de colaboradores.
