Os axentes axudaron a saír da auga ao implicado, que caera ao mar, e que foi trasladado ao centro de saúde polos membros do GES.
O 112 Galicia tivo constancia dos feitos ás 2 horas da madrugada, cando desde a Garda Civil solicitaron a colaboración doutros servizos de emerxencia para rescatar a unha persoa que caera ao mar nas proximidades da praza de Abastos de Noia. Os xestores do 112 informaron ao persoal de Urxencias Sanitarias de Galicia-061, a Salvamento Marítimo, ao Servizo de Gardacostas de Galicia e ao GES de Noia.
Pouco despois, os axentes indicaban que conseguiran sacar ao implicado da auga. Este foi trasladado polos membros do GES de Noia ao centro de saúde.
