A asociación da nosa comarca Ambar, centrada na plena inclusión social das persoas con capacidades diversas, impulsou unha formación sobre operacións auxiliares nas industrias alimentarias dirixida a persoas con diversidade funcional. A formación é gratuíta e conta cunha bolsa de asistencia para todas as persoas participantes e servizo de transporte dispoñíbel.
Segundo informan dende Ambar, a demanda está a ser grande e quedan xa poucas prazas libres. Quen desexe facer a inscrición pode facelo chamando ao teléfono 981 87 44 80 (extensión 5) ou cubrindo o formulario que aparece na páxina web de Ambar, asociacionambar.org. O prazo para poder realizar a inscrición remata o día 9 de xaneiro do 2023.
Esta formación é posíbel grazas ao financiamento da Fundación ONCE concedida na convocatoria
de axudas económicas Uno a Uno, e enmárcase no Programa de Emprego Xuvenil (POEJ) do Fondo Social Europeo O FSE inviste no teu futuro.
Máis información na web de Ambar.