A Asociación AGADEA (centrada en dar servizo a persoas maiores con doenzas neurolóxicos e ás súas familias) vai organizar este mércores 21 de decembro unha actividade formativa sobre a enfermidade do alzhéimer. Será ás 17.30 horas no Centro Social de Boiro. As inscricións poden facerse na conta de correo cdiaribeira@xunta.gal ou a través do teléfono 672 70 50 53.
A actividade encádrase no acordo de colaboración formalizado entre AGADEA e o Concello, fortalecido estes mes de decembro. Esta medida traducirase na posta en marcha dun novo servizo de estimulación terapéutica dirixido a persoas maiores con deterioro cognitivo. A maiores, AGADEA organiza esta tempada unhas charlas dirixidas á poboación xeral que teñen como obxectivo formar e informar sobre o alzhéimer e outras doenzas cognitivas. A primeira delas, un faladoiro impartido pola neuróloga Clara Domínguez, celebrouse o mércores 14 de decembro ás 17.30 horas no Centro Social de Boiro. A segunda das actividades celebrarase o vindeiro mércores día 21 de decembro ás 17.30 horas no Centro Social de Boiro.
