M.A.- O partido das estrelas da Superliga, que se disputará o mércores 28 de decembro en Guadalajara, contará coa participación de dous xogadores do Rotogal Boiro Voleibol: o líbero Adrián Alves e o receptor Gaby del Carmen. Ambos formarán parte do equipo branco.
Gaby del Carmen disputará o partido das estrelas da Superliga por segunda vez na súa carreira; xa participou no que se celebrou na campaña 2017-2018. Para Adrián Alves, capitán do Rotogal Boiro Voleibol, trátase da primeira ocasión en que tomará parte na cita.
Por outra banda, o Rotogal Boiro Voleibol visita este sábado (ás cinco da tarde) ao Unicaja Almería no que será o último partido antes do parón do Nadal. Posteriormente, os de Emilio Palacio retomarán a Superliga co derbi galego ante o Emevé o sábado 7 de xaneiro ás sete da tarde.
