Un dos embarazos máis esperados de Galicia terminou tras o nacemento de Lúa, a primeira filla da medallista olímpica Ana Peleteiro. A atleta galega comunicouno en redes sociais, que anunciou o pasado mes de xuño.
Lúa adiantouse lixeiramente, xa que a deportista anunciara hai unhas semanas que en principio saía de contas o 25 de decembro, o día de Nadal. En varias intervencións e vídeos nas súas redes sociais a atleta admitiu estar “cagada” e contou aos seus seguidores como a súa filla “non para quieta, está por aí roldando e dando voltas”.
O pai, o francés Benjamín Compaore, foi o primeiro en deixar caer pistas, cunha publicación na súa historia de Instagram unha foto no hospital cunha simple palabra hier, onte en francés. Apenas horas despois Peleteiro facía o anuncio oficial, cunha historia na que se ve a unha bebé Lúa lactando.
“Onte foi o día máis duro e máis marabilloso por partes iguais da miña vida”, escribía a atleta. “Estamos a gozar de Lúa ao 100% pero quería darvos as grazas a todxs pola inmensa cantidade de mensaxes que nos enviastes”.
