O sábado 31 caducarían as licenzas de ocupación do Párking da planta “-1” da Rúa Xuíz Falcone, sen que se teñan todavía adxudicado as novas licenzas.
A xestión do Párking da Rúa Xuíz Falcone é, a xuízo da Marea Cidadá, unha das máis caóticas e desordenadas do goberno popular de Santiago Freire. Se ben este sábado rematan, coincidindo co final do ano, as licenzas de uso dos espazos da planta -1 do Párking da Rúa Xuíz Falcone, estarían todavía sen
nomear os novos beneficiarios das mesmas.
Isto vai provocar, a ollos da formación de esquerdas, confusión, caos e desuso das instalacións derivados, de forma directa, da xestión do goberno local. Ate que se publiquen as concesións provisionais, antes de decretar as finais, estas prazas quedarán sen ocupante.
Segundo indican dende a Marea Cidadá, esta situación teríase evitado se o goberno actuase cun pouco de antelación, publicando as relación de novas persoas adxudicatarias antes do final do ano. Isto non é máis que outra mostra do desleixo e da despreocupación do goberno Freire nas súas xestións,
derivando como tantas outras veces nunha situación negativa para os veciños e veciñas de Noia.
Dende a Marea Cidadá, reclaman ao goberno local que de solución a esta situación e aclare o que acontecerá durante este entre-tempo.
