Antón Luaces.- A cota de anchoa para España será, após a publicación da recomendación científica para 2023, das máis altas desde a reapertura desta pesqueira en 2010: segundo a regra de xestión dos últimos anos, o Total Admisible de Capturas (TAC) será novamente de 33.000 toneladas, das que 29.700 corresponderán a España. Esta é unha das cotas máis altas dos últimos anos ao se aplicar unha
última e mínima dedución pola multa imposta por sobrepesca de xarda.
A recomendación do Consello Internacional para a Exploración do Mar (ICES) vai permitir situar acota da anchoa no Golfo de Biscaia en 2023 entre as máis altas desde a reapertura desta pesqueira no ano 2010 xa citado.
A recomendación do ICES sinala que a biomasa de bocarte (anchoa) mantense nos niveis históricos dos últimos anos. Desde que se produciu o peche da pesqueira entre os anos 2005 e 2009 pola mala situación biolóxica da poboación, vense constatando un constante incremento da biomasa, o que confirmou a plena recuperación da especie.
Deste xeito, o ICES recomenda un TAC para o 2023 de 33.000 toneladas para esta poboación (Zona 8 do ICES) a mesma ca na dos últimos anos e que corresponde á aplicación da regra de xestión que se ven empregando e polo que se actualizará con esta cifra a adoptada provisoriamente no pasado Consello de Ministros de Agricultura e Pesca dos días 11 e 12 deste mes, ao non estar ainda dispoñible a devandita recomendación científica do ICES.
Á espera da posible renovación dos acordos que se artellan entre os sectores pesqueiros español e francés a partir da reapertura da pesqueira, a España corresponderíalle o 90% do TAC: 29.700 toneladas.
Por primeira vez desde o ano 2016 a cota disponible verase únicamente en 180 toneladas provintes do pago da multa pola sobrepesca de xarda que se aplica a España desde vai anos e que, en exercicios anteriores, supuña unha maior dedución, concretamente 3.696 toneladas anuais.
Esta boa situación beneficia principalmente aos barcos do censo do Cant
Anbrivo e Nororeste, a frota que a cotío captura esa especie tan valorada e emblemática, principalmente nas augas españolas, desde o comezo da primavera ata ben entrado o verán.
Armadores do cerco consultados por O Barbanza expresaron a súa satisfacción, ao tempo que amosaban a desconfianza pola posible incapacidade da frota actual de asumir esa cantidade de bocarte porque non poucos barcos foron vendidos ou despezados en Galicia.
