O concello de Dodro aprobou definitivamente a concesión de 20 axudas á escolaridade para este curso 2022/23. Acóllense a estas axudas persoas empadroadas en Dodro con estudantes desde 2º ciclo de E. I., Primaria e Secundaria Obrigatoria.
O concelleiro de Servizos Sociais e Benestar, Xoán Bautista Mariño Abuín (BNG), di estar satisfeito co camiño emprendido neste mandato. Coa boa acollida das achegas, como na pasada edición, entre outro material está a axuda para gastos de actividades extraescolares, instrumentos musicais,…
Na mesma liña do ano pasado continúa o achegamento ás demandas veciñais. A inversión destinada a escolares de Dodro mantense outro curso máis chegando ata 24 solicitudes (7 menos que na edición pasada)das que cumpren as bases 20 familias cun montante de 2800 €.
Coas actuais bases adoptadas houbo así un total de 2.800€ para familias de Dodro, con menores escolares ao seu cargo, aos que se lles conceden estas achegas compatibles con outras axudas xa establecidas.
Esta semana comeza a tramitación en Servizos Sociais e Benestar para facer efectivas estas axudas.
Xoán Bautista Mariño anunciou que están traballando con outras áreas do goberno para unha próxima edición. A idea é seguir investindo no público. Estase vendo a posibilidade de incrementar a contía para outros conceptos como podería ser, por exemplo, axudar a familias usuarias do servizo de comedor escolar en Dodro.
