O delegado da Xunta na Coruña, Gonzalo Trenor, visitou na mañá deste xoves 24 de novembro o Hotel Atmos, un dos beneficiados pola orde de axudas autonómicas para investimentos en equipamentos postCOVID dos establecementos hostaleiros que lle permitiu mellorar os sistemas domóticos e renovar os seus controis de acceso. Trenor acudiu na compaña do alcalde de Outes, Manuel González.
Trenor explicou que o obxectivo destas axudas foi “seguir colaborando na modernización das instalacións e na consecución da maior seguridade sanitaria nos establecementos hostaleiros galegos”. Na comarca do Barbanza, lembrou, recibiron estas axudas un total de 6 establecementos por un importe de case 207.000 euros e mobilizaron máis de 230.000 euros. No ámbito galego estes apoios ascenderon 3 millóns de euros
O delegado da Xunta puxo en valor este tipo de axudas porque “son inxeccións moi importantes para superar o impacto da pandemia e para seguir incrementando os estándares de calidade dun sector fundamental para a economía galega”.
A liña de axudas da Xunta para a dotación de equipamentos postCOVID, estivo orientada a micropemes e pemes do sector da hostalería, como hoteis, hostais, casas rurais ou outro tipo de aloxamentos e bares, restaurantes e cafeterías.
Os beneficiarios recibiron achegas de ata o 90% do seu investimento cunha contía máxima de 50.000 euros e as actuacións deberán orientarse á adquisición de medidores calidade do aire, sistemas domóticos ou de check-in automático, redes de control de distancia, accesos e aforos, infraestruturas de ventilación e climatización do aire, cartelería, rotulación ou sinaléctica.
Gráfica das axudas no Barbanza
