O Concello de Boiro finalizou a edición 2021-2022 do seu Programa Integrado de Emprego. O programa dirixiuse exclusivamente a mulleres e contou con financiamento da Consellería de Promoción do Emprego e Igualdade da Xunta de Galicia. Segundo confirmaron fontes do Concello, o desenvolvemento deste iniciativa permitiu mellorar o nivel de empregabilidade de 100 mulleres da comarca do Barbanza a través do traballo realizado en actividades formativas, orientacións laborais individualizadas, prácticas en empresas e prospección laboral.
Impartíronse un total de 850 horas de actividades formativas vinculadas ao sector da hostalaría e a hostalería, a limpeza, a industria cárnica e conserveira, a alimentación e, tamén, o comercio e a administración. Durante a execución do programa, un total de 57 persoas atoparon emprego en empresas vinculadas á formación impartida.
O Concello de Boiro, coa colaboración do Concello da Pobra do Caramiñal, iniciará proximamente un novo Programa Integrado de Emprego dirixido exclusivamente a mulleres na anualidade 2022/2023.
