Achégase a conmemoración do 25-N, Día Internacional da Eliminación da Violencia contra as Mulleres, e os nosos concellos xa están a preparar actividades para celebrar e visualizar esta data, por unha banda, e compartir recursos e metodoloxías para erradicar esta lacra, poñendo o foco nas novas xeracións, pola outra. Sen ir máis lonxe o Concello de Porto do Son confirmou a súa participación na X Andaina Solidaria contra a Violencia de Xénero, que se celebra este ano baixo o lema de Camiño ao respecto e cuxos detalles podemos ver xa en andaina.caminoaorespecto.gal. O Concello explicou á cidadanía que terá dous xeitos de participar:
-Do 13 a 20 de novembro. As persoas interesadas poden participar camiñando por Porto do Son, ao “seu ritmo” e pola ruta que elixan pre-deseñada a través de www.portodoson.gal/rutas ou deseñada ao seu antoxo.
-20 de novembro ás 11:00 da mañá dende o Monte do Gozo.
Quen queira participar pode solicitar o dorsal personalizado na web andaina.caminoaorespecto.gal.
