Outes celebra desde este xoves a XIII Muiñada A arquitectura Popular

A.C.C. Terra de Outes inaugura este xoves a exposición de fotografías “Hórreos de Outes”, acto que terá lugar ás 7 da tarde no IES Poeta Añón e co que dará inicio á XIII Muiñada, Xornadas sobre a arquitectura popular de Outes, que se desenvolverán ata o sábado, 26.
De seguido terá lugar unha conferencia a cargo do escritor Clodio González sobre a arquitectura popular. Ao que seguirá un ágape na cafetería de dito centro para todos os/as asistentes ao mesmo

O programa destas xornadas da XIII MUIÑADA. A ARQUITECTURA POPULAR DE OUTES é o seguinte:

 XOVES, 24. IES Poeta Añón

19.00 h.: Inauguración da exposición de fotos de hórreos de Outes.

19.30 h.: Conferencia: A arquitectura popular. Por Clodio González. Escritor e membro do padroado do Museo do Pobo Galego.

         VENRES, 25. IES Poeta Añón

11.15 h.: Conferencia: A catalogación da arquitectura popular de Outes. Xoán Mariño, investigador e escritor e Pilar Sampedro, primeira directora do IES Poeta Añón.

     SÁBADO, 26.Centro Social de Outes

19.00 h.: Presentación do libro “Os hórreos de Cando, con Xoán Mariño, autor e Ramón Blanco, escritor.