O salón de plenos do Concello da Pobra do Caramiñal acolleu na xornada deste 24 de novembro a sesión ordinaria do pleno da Corporación. Entre os acordos formalizados figura unha moción do Goberno local para apoiar a iniciativa popular de SOS Sanidade Pública para garantir a calidade asistencia na Atención Primaria. Tamén foi aprobada unha moción para “impulsar compromisos económicos e orzamentarios para garantir a atención á violencia machista no contexto de crise de prezos e de rearme do machismo”.
A orde do día foi a que figura a seguir:
- Aprobación actas anteriores (25 de novembro, 22 de decembro de 2021, 13 de xaneiro, 27 de xaneiro, 1 de febreiro e 9 de febreiro de 2022).
- Moción do equipo de Goberno relativa a proposición en apoio á ILP promovida por SOS Sanidade Pública para garantir a calidade asistencial na Atención Primaria. Aprobada con 8 votos a favor (Nós Pobra, BNG e PSdeG-PSOE) e 5 en contra (PP).
- Moción do grupo municipal do BNG relativa á reivindicación do 25 de novembro e á necesidade de impulsar compromisos económicos e orzamentarios para garantir a atención á violencia machista no contexto de crise de prezos e de rearme do machismo. Denegada a emenda presentada polo PP con 5 votos a favor (PP) e 8 en contra (Nós Pobra, BNG e PSdeG-PSOE). Aprobada a moción orixinal con 8 votos a favor (Nós Pobra, BNG e PSdeG-PSOE) e 5 en contra (PP).
- Moción do grupo municipal do PP en relación ó estado da Torre de Bermúdez. Aprobada por unanimidade.
- Moción do grupo municipal do PP con motivo da conmemoración do 25 de novembro, Día Internacional da Eliminación da Violencia contra as Mulleres. Denegada con 5 votos a favor (PP) e 8 en contra (Nós Pobra, BNG e PSdeG-PSOE).
- Moción do grupo municipal do PP para solicitar ó goberno de España á no supresión do delito de sedición. Denegada con 5 votos a favor (PP) e 8 en contra (Nós Pobra, BNG e PSdeG-PSOE).
Deseguido, procedeuse coa parte de decretos e informes da alcaldía para, finalmente, dar paso á quenda de rogos e preguntas.
Ao igual ca o resto, a sesión está dispoñible na canle do Youtube do Concello da Pobra do Caramiñal.
