A Coruña vai acoller este venres 4 de novembro a inauguración dunha mostra na que colabora, cos seus importantes fondos, a Fundación Museo de Artes do Gravado á Estampa Dixital (Artes, Ribeira). Trátase da exposición Arte e Memoria Democrática, acompañada pola conferencia inaugural Arte e Guerra e o seu relato na arte contemporánea en Galicia.
A apertura da mostra está prevista para as 11.30 horas na Casa Casares Quiroga (no 12 da rúa Panadeiras) deste venres. Polo que se refire á conferencia, será na sede da UNED (no 3 da rúa Educación) a partir das 17.00 horas. A exposicíón poderá visitarse na Casa Casares Quiroga do 4 de novembro de 2022 ao 8 de xaneiro de 2023.
Como dixemos, nesta exhibición participan fondos pertencentes á Fundación Museo de Artes do Gravado á Estampa Dixital coa cesión de tres obras da serie Los desastres de la guerra. Colección de ochenta láminas inventadas y grabadas al agua-fuerte por don Franisco Goya, editada pola Real Academia de Bellas Artes de San Fernando en Madrid en 1903.
Acudirá á inauguración da exposición Javier Expósito Paradela, vicepresidente da FMAG. As tres obras cedidas son Tristes presentimientos de lo que ha de acontecer, Con razón o sin ella e Estragos de la guerra.
