O Concello de Ribeira segue coa programación dos sábados pola mañá no Centro Cultural Lustres Rivas para dinamizar a lectura e, coma sempre, promover o uso e transmisión do galego nas novas familias. A proposta deste sábado 19 de novembro vén da man da Secretaría Xeral de Política Lingüística da Xunta de Galicia, fondo de proxectos culturais FalaRedes en galego. Trátase de Xogar e aprender en galego mola!, de Deza Music.
Xogar e aprender en galego mola! é un espectáculo participativo con música, xogos, concursos e moita diversión, co que promover o uso da lingua galega entre os nenos e nenas. A miña familia é a mellor e Somos familia son as propostas coas que os participantes gozarán dunha magnífica xornada na que aprender e xogar.
A función dará inicio ás doce do mediodía e, ao remate do espectáculo, haberá, como xa é costume, reparto de agasallos para os nenas e as nenas que acudan na mañá do sábado.
