Noia celebrará o Festival Benéfico de Nadal cun tributo a Queen no Liceo

O Concello de Noia vivirá o vindeiro 11 de decembro unha festa da música solidaria. Será a partir das 19.00 horas no Liceo. Todos os fondos recadados na cita irán en beneficio á Asociación Galega de Heteroplasia Ósea Progresiva (ASGPOH) e á Fundación Atrofia Muscular Espinal (FundAME). Así o confirmaron dende a organización do evento benéfico, que vén da man Asociación Cultural Kitis Katis, coa colaboración do Concello e o comercio local. Un dos pratos fortes da cita será un concerto tributo á lendaria banda de rock Queen.

As entradas para o evento poderán adquirirse no Liceo de Noia ou na propia Asociación Kitis Katis a un prezo de 4 euros. Toda a recadación deste festival será doado a ASGPOH e FundAME para a investigación de enfermidades raras.

Ademais, sortearanse agasallos doados por diferentes casas comerciais da contorna, así como bonos doados polo Concello de Noia para gastar no comercio local.