Este venres 4 de novembro a agrupación Empatía Teatro estará na Casa da Cultura de Boiro para representar o espectáculo Esas cousas marabillosas. Será a partir das 21.00 horas. As entradas poderán obterse no mesmo día da función. Esas cousas marabillosas é unha obra para público adulto, emocionante, divertida, tenra e participativa, que conta unha historia de case tres décadas que comeza cando “mamá está no hospital”, vítima dunha tentativa de suicidio. Unha historia sobre saúde mental, depresión e morte, cuestións de moita solemnidade tratadas en clave de comedia para que nos poidan, todas elas, axudar a cambiar a nosa vida…. para ben.
A obra está protagonizada por Elisardo de la Cruz, e é unha adaptación dirixida por Avelino González da peza do mesmo nome de Duncan Macmillan e Jonny Donahoe.
