Dodro mostra este domingo os seus tesouros no primeiro treito da ruta Rosalía nos camiños

Este domingo 13 de novembro toca poñerse as botas e aproveitar a pausa do bo tempo para coñecer mellor o noso territorio, a nosa historia e a nosa rica literatura. Estamos a falar das rutas guiadas do itinerario Rosalía nos camiños, co-impulsado polos Concellos de Dodro, Padrón e Rois. Este domingo 13 correspóndese co treito pertencente a Dodro. A saída será ás 10.00 horas do Pazo de Lestrobe.