O Concello de Boiro celebrou esta mañá unha xunta de seguridade para coordinar a organización da I andaina Mar de Cabo que organiza a Asociación A Gamela de Cabo de Cruz e que terá lugar este domingo día 20 de novembro.
Na xunta de seguridade estiveron a concelleira de Cultura, María Outeiral; unha integrante da Asociación, Eva Triñanes; a Policía Local e Protección Civil de Boiro.
A andaina sairá ás 10.00 horas do peirao de Cabo de Cruz e contará cun percorrido de 10 quilómetros bordeando toda a costa. O obxectivo desta actividade é promover e dar a coñecer a paisaxe do municipio, así como a posta en valor do patrimonio cultural e marítimo.
As inscricións para participar na andaina están abertas e pódense facer mediante o correo electrónico gamelacabodecruz@gmail.com ou no mesmo día da andaina ás 9.45 horas.
