Os nosos concellos van achegar esta tempada interesantes oportunidades para para perfeccionar as nosas habilidades en diferentes modalidades de baile. Poderemos facelo a través os obradoiros da Asociación Alecrín, programa de actividades gratuítas para “a difusión e a promoción do baile como actividade que fomente os hábitos saudábeis tanto a nivel individual como de parella”. Entre os concellos onde se vai desenvolver o programa Bailas? do Taller Alecrín atópase o de Porto do Son (a través da Concellería de Cultura na Escola de Danza Municipal). Haberá dúas modalidades: linedance e baile social. As dúas teñen aberta aínda o prazo de inscrición.
O de linedance será os xoves de 20:30 a 21:30 horas. Esta modalidade, de práctica individual, vai indicada para persoas que desexen una toma de contacto cos diferentes ritmos de baile que van dende o swing ata o funky pasando pola bachata ou a kizomba.
O segundo, o de bailes de salón, celebrarase os xoves de 21:30 a 22:30 horas. Nesta modalidade, encamiñada á práctica en parella, poderanse practicar ritmos que van dende o vals ou o tango ata o jive, pasando polo chachachá ou a bachata.
Máis información en 698 150 432.
