A Deputación da Coruña, a través da súa area de Igualdade e co apoio dos Concellos, vai celebrar o 25-N a través dunha nova edición do seu programa De Fronte, activo xa na páxina web defronte.gal, que actúa de espazo referencial para consultar as actividades previstas.
Segundo fixo saber María Muíño, deputada de igualdade, para este 25-N manterase a mesma imaxe e lema que en edicións anteriores e, ao seu abeiro, volveranse programar unha serie de actividades tanto presenciais como en liña para “contribuír a poñer freo á violencia machista e xeral un amplo movemento social para crear conciencia de igualdade fronte ao feminicidio”.
Ao programa volven estar adheridos todos os concellos da nosa comarca: A Pobra do Caramiñal, Boiro, Rianxo, Ribeira, Porto do Son, Noia, Lousame, Dodro e Outes.
Nesta edición de 2022, a campaña De Fronte da Deputación da Coruña contara coa adhesión de 88 concellos ademais de 59 entidades de carácter social, educativo, sectorial, cultural e deportivo.
