Este venres 11 de novembro a Biblioteca Pública Municipal de Rianxo vai acoller un espectáculo de narración oral para a rapazada. Trátase da función A galiña dos ovos do conto, a cargo de Pedras de Papel. Haberá dúas quendas: un primeiro grupo ás 17.00 horas e un segundo grupo a partir das 18.30 horas. Quen estea interesado en acudir pode reservar praza na Biblioteca a través da conta de correo biblioteca@concelloderianxo.gal ou ben dos teléfonos 981860272- 667185581.
Sinopse
Como todas as galiñas do mundo, Rosiña pon ovos, pero non son uns ovos normais. Os ovos de Rosiña son ovos de conto.
Actividade creativa que axunta narración e obradoiro, literatura e plástica, na que as rapazas, despois de escoitar a narración da vida da galiña, elaborarán bonecos dos personaxes dun conto que inventarán coa axuda da pita.
