O Centro Social de Escarabote (Boiro) vai dar acollida este xoves 6 de outubro ao espectáculo Contos para pasalo de medo, a cargo de Carmen Domech e Títeres Brincadeira. Comezará ás 19.00 horas e está destinado ao público infantil. A reserva de entradas cómpre facela no Centro Social ou no teléfono 981 84 99 50.
Sinopse
Da señora Antonia din que é unha meiga. Será polo seu aspecto? Sombreiro picudo, nariz afiada, verruga no rostro, a costa encurvada, andar decidido e saia morada.
Ou polos seus amigos? Bandidos, pantasmas, morcegos e almas.
Pero a señora Antonia, a través de cinco historias, achegaranos a un mundo de tebras onde, co humor, o amor e o terror, ímolo pasar de medo.
Para nenos e nenas de 4 a 11 anos.
