Sole Felloza leva a Rianxo a súa maleta viaxeira

Este 28 de outubro a Biblioteca Municipal de Rianxo vai recibir a visita da narradora Sole Felloza, que ofrecerá ante as crianzas o espectáculo As viaxes fantásticas dunha maleta. Será este venres ás 18.00 horas. Trátase dunha función dirixida a público infantil e familiar, a partir dos tres anos.

Neste contacontos, Sole Felloza achegaranos á historia de Carlota, a maleta viaxeira, que aventurará ás crianzas asistentes en viaxes a outros países e épocas.

Soledad Felloza dedícase á narración oral desde hai 25 anos. Tamén é docente, actriz, fotógrafa, escritora de literatura infantil e xuvenil e dramaturga, cunha ampla formación no campo do teatro e no eido dos contos. Recibiu o Premio Europeo ao mellor conto para nenos e nenas por A cociñeira do rei (Editorial Oqo). O seu programa de radio La casa disparatada foi declarado pola UNESCO de interese por mor da súa contribución á difusión dos dereitos da infancia. Ten editados discos de contos para nenos baixo o titulo De Tin Marín, esgotados neste momento