As mostras recollidas este venres nas concesións da confraría de Noia aínda que baixaron nos niveis de toxina PSP pasando de 1.500 microgramos equivalentes por quilo a 800, deron positivo tanto na zona da Misela e na que ía iniciarse a campaña, como no Testal.
O no rexistrarse dous resultados negativos consecutivos nun intervalo de 48 horas, o peche previsto para a próxima semana polo Intecmar continuará.
Mentres moitos mariscadores decidiron solicitar ao ISM axudas polo peche forzoso da actividade, dado que carecen de ingresos e déronse de alta na Seguridade Social para iniciar a actividade o 26 de setembro. Os certificados que xustifican a inactividade expídense na confraría de Noia, que tamén subiu á súa páxina web unha copia do impreso.
