O alcalde de Boiro, José Ramón Romero, participou esta tarde xunto co presidente do Náutico de Boiro – Marina Cabo de Cruz, Manuel Fajardo, na recepción de Jorge Candán e Pilar Barros, deportistas membros do Club Náutico de Boiro, que veñen de quedar campións de Europa na modalidade de vídeo submarino.
As medallas de ouro acadadas no campionato europeo nas modalidades de vídeo editado e vídeo sen edición na proba disputada na illa de Madeira, súmanse ás acadadas xa no campionato nacional. “É un orgullo que estean acadando estes premios a nivel internacional e que leven o nome do náutico e
de Boiro por todo o mundo”, afirmou o alcalde.
“Llevamos muchos años siendo socios de este Club Náutico que nos brinda un gran apoyo para participar en estas competiciones”, afirmou Jorge Candán, que fixo mención á biodiversidade da nosa ría e de Galicia e a importancia de divulgar esta modalidade.
O vindeiro ano será o campionato do mundo, no que teñen intención de participar. “Ter campións de España e Europa e telos aquí no Náutico é para nós un gran orgullo e seguro que van seguir acadando grandes logros tanto en foto como vídeo submarino”, afirmou Manuel Fajardo.
