Portosín celebra o Día da Bici este 22 de outubro

O vindeiro 22 de outubro a veciñanza de Porto do Son e da nosa comarca vai conmemorar os hábitos saudábeis e medioambientalmente responsábeis en materia de transporte e mobilidade. Estamos a falar do Día da Bici, que se celebra este sábado en Portosín.

Será unha ruta inclusiva, aberta e participativa de cinco quilómetros, aberta á cativada (de máis de seis anos) e a ciclistas de todas as idades e condicións físicas. O programa de actividades inclúe sorteos e xogos. As persoas interesadas en acudir coa súa bici terán que inscribirse na Oficina de Deportes do Concello do Porto do Son, organizador da quedada ciclista xunto co CEIP de Portosín e o Club Ciclista Sonense.