A V Mostra Internacional de Cinema Documental Mares da Fin do Mundo organizada polo Concello de Outes co obxectivo de reivindicar o audiovisual envorcado no medio mariño, na nosa relación con el e os esforzos que se están a facer para preservalo, vai ser un dos grandes acontecementos culturais da tempada na nosa comarca, en Galicia e alén da nosa xeografía. Para dar a coñecer estas novidades o Concello estará este venres 21 no Centro Náutico do Freixo, Outes, a partir das 12.00 horas.
Segundo avanzou o Concello, este ano a mostra terá un programa de 5 xornadas, entre o 28 de outubro e o 1 de novembro, cargadas de actividades culturais, lúdicas e formativas. Haberá 20 filmes internacionais, estatais e galegos que se proxectarán na Casa da Cultura de Outes. Ademais haberá actividades paralelas dirixidas a todos os públicos.
Para presentar as actividades e o cartel da mostra estará o alcalde de Outes, Manuel González e o director de Mares da Fin do Mundo, Marcos Gallego.
Lugar: Centro Náutico do Freixo (Outes)
Hora: 12:00 horas
Día: venres 21 de outubro
