O servizo itinerante Coidados Porta a Porta estará na praza de Galicia de Boiro o 3, 4 e 5 de outubro

Boiro acolle os días 3, 4 e 5 de outubro o autobús do programa autonómico itinerante Coidados Porta a Porta, que se instalará na praza de Galicia. Este programa busca achegar ás persoas maiores do rural servizos asistenciais para a prevención da dependencia. Vanse levar a cabo servizos de podoloxía, audioloxía e estimulación da memoria. O servizo toca estas tres áreas ao ser fundamentais para a prevención da dependencia nas persoas maiores.

No eido da estimulación da memoria vanse realizar actividades para a estimulación cognitiva e funcional, para o fomento da autonomía mediante hábitos de vida saudábeis ou para a promoción do envellecemento activo.

O coidado do pé adquire importancia co paso dos anos, por iso os servizos que se van levar a cabo inclúen consultas básicas de podoloxía, corte e limpeza de uñas, eliminación de durezas, calosidades e helomas e unha valoración do estado xeral do pé.

Pola súa banda, os servizos relacionados coa audioloxía implican unha consulta básica, unha exploración funcional da audición e a formación en hábitos que preveñan a perda auditiva.

Para participar deste programa pode solicitarse cita previa ou máis información no enderezo electrónico coidadosportaaporta.politicasocial@xunta.gal ou nos teléfonos móbiles 622 748 283 ou 623 546 992.