O alcalde de Boiro, José Ramón Romero, recibiu este martes 11 de outubro ás 40 persoas da Asociación COCEMFE Alicante que están a realizar o itinerario xacobeo do Barbanza (o Camiño A Orixe) para comprobar a súa accesibilidade.
A recepción, na que estiveron a xerente da mancomunidade Barbanza Arousa, Fátima Cachafeiro, e membros da Asociación do Camiño, tivo lugar no salón de plenos da Casa Consistorial.
Camiñantes en cadeira de rodas, invidentes, con discapacidade psíquica ou con outro tipo de dificultades do municipio alacantino de Villena realizan o camiño para comprobar a accesibilidade do percorrido. O alcalde, José Ramón Romero, animounos “nesta iniciativa de facer o camiño e coñecer o Barbanza, a súa paisaxe e todo o que ten que ofrecer”.
