O Comité da Regata 50ª Aniversario do “Náutico de Riveira” logra arrincarlle ao vento un par de mangas

1ª xornada Regata 50ª Aniversario CND Riveira-Clasificatoria Optimist. foto Juan Caballero

Tras unha longa batalla co vento de máis de dúas horas, o Comité da Regata 50ª Aniversario do Club Náutico Deportivo de Riveira conseguiu validar dúas mangas a esta primeira xornada da regata clasificatoria de Optimist, que logrou reunir no Barbanza a máis de 150 nenas e nenos de toda Galicia, no que está a ser a primeira cita velística da tempada no calendario oficial da Real Federación Galega de Vela.
E é que o club de Riveira estivo planificando todo o que levamos de ano este gran evento. Non é para menos, @teniendo en cuenta que sopraron neste 2022 as 50 velas do seu primeiro medio século de vida.
Para José Luís Torres Colomer, presidente da entidade social e deportiva, “non hai mellor maneira de festexalo que coa #ver base, a de promoción, as nosas nenas e nenos que son garantía de futuro no deporte da vela”, explicaba.
Para iso, o club promove este evento cun dos seus grandes mecenas, Ramiro Carregal Rey, que lle dá nome e prestixio á súa Escola de Vela.
Sendo unha frota tan numerosa e seguindo o nivel de cada novo regatista, a frota dividiuse en dous grupos: Amarelo, os primeiros 57; e Azul, do 58 en diante, practicando senllas saídas individuais, aínda que navegando no mesmo campo de regatas e idéntico percorrido.

Arrinca con moi bo pé Fernando González do Castelo, do Real Club Náutico da Coruña, que se impuxo na primeira xornada, mandando na xeral. Séguelle na posto prata o vigués do Real Club Náutico, Paco Riveras, pechando o podio co bronce o local do Náutico de Riveira, Bruno Iglesias.
Durante a xornada dominical o Comité ten a intención de celebrar catro mangas, tres correspondentes ao segundo día do Trofeo Ramiro Carregal Rey, e unha pendente do sábado, para completar desta maneira o
programa deportivo.

1ª xornada Regata 50ª Aniversario CND Riveira-Clasificatoria Optimist. foto Juan Caballero