O alumnado participante no Programa Integrado de Emprego que desenvolve o Concello de Boiro durante o curso 2021-2022 formouse na especialidade de Peixería. A formación tivo como obxectivo que “as asistentes aprenderan a diferenciar os diversos tipos de produtos dun establecemento destas características e as propiedades que estes produtos atesouran”, e “que sexan capaces de aplicar as técnicas de limpeza e preparación de peixe para a venda ao cliente”.
A actividade estivo reforzada polos cursos de Manipulación de alimentos e de Análise de perigos e puntos críticos de control, que tiveron a finalidade de dar a coñecer e aplicar sistemas de control para reducir a contaminación alimentaria e de manipular o produto de forma hixiénica e segura.
O Programa Integrado de Emprego do Concello de Boiro 2021-2022 está dirixido exclusivamente a mulleres e está financiado pola Consellería de Promoción do Emprego e Igualdade da Xunta de Galicia.
