O 22 de outubro celébrase no monte Iroite a proba 14ª da XXXI Liga O-Pé

O vindeiro 22 de outubro club sonense ADC Arnela organiza unha proba de “orientación a pé” no monte Iroite, na espectacular contorna do miradoiro da Balconada e arredores. Forma parte da Liga Galega de Orientación a Pé e será a derradeira da presente tempada 2022.

A pesar de ser unha proba federada, a participación tamén estará aberta ás categorías non federadas (iniciación); así que segundo explica a organización do evento deportivo representará “unha moi boa oportunidade para gozar deste fermoso e entretido deporte”.

As inscricións son a través da web da Federación Galega de Orientación. É preciso que nos rexistremos na dita páxina se aínda non temos conta. Unha vez rexistrados, poderemos inscribirnos no propio evento da proba.