Noia afronta a recta final da Mostra de Curtas e prepárase para un ciclo de teatro con catro funcións

A vila de Noia é estes días un fervedoiro de actividades culturais. Así, alén da Mostra de Curtas que se está a celebrar esta semana no Coliseo Noela e que chega este xoves 20 de outubro a un dos seus puntos culminantes (coa xornada adicada aos audiovisuais de realizadores locais, estando prevista a proxección do documental 8 lúas de Jorge Valenciano e Nacho Carnota, e da cuarta Bombas de palenque de Martín Arufe), esta semana o departamento de Cultura do Concello achegou detalles sobre o ciclo de espectáculos teatrais que se vai levar a cabo no Coliseo as vindeiras semanas, das que, por certo poderanse sacar entradas a partir das 10.00 deste 21 de outubro.

Trátase das seguintes funcións: Golulá, Morte accidental dun anarquista, A nena que vivía nunha caixa de mixtos e El dios del pop.

Golulá é unha obra de técnica mixta na que se mestura o teatro de actor con body puppets, muppets e o teatro luz negra.

Xénero: teatro infantil-familiar

Público: a partir dos 4 anos

Duración: 50 minutos

Prezo: tarifa normal 3,50 €+ gastos de xestión

Tarifa reducida (colectivo nen@, estudantes e xubilados): 2,80 € + gastos de xestión

Entradas xa á venda en ataquilla.com e o día 29 de outubro no portelo do Teatro, de 17:30 a 18:15

-Morte accidental dun anarquista. Un anarquista morre tras caer pola fiestra dunha comisaría na que está sendo interrogado pola policía. En plena investigación xudicial dos feitos aparece, na comisaría, un tolo que se fai pasar por diferentes personaxes conseguindo descubrir a verdade.

Xénero: comedia

Público: + 16

Duración: 85 minutos

Prezo: Tarifa normal 4,00 €+ gastos de xestión

Tarifa reducida (colectivo estudantes e xubilados): 3,20 € + gastos de xestión

Entradas xa á venda en ataquilla.com e o día 28 de outubro no portelo do Teatro, de 19:45 a 20:30

-A nena que vivía nunha caixa de mixtos. É un novo espectáculo de Caramuxo teatro inspirado no conto A vendedora de mistos de Andersen.

Unha proposta de teatro de actriz e monicreques case sen palabras. O espectáculo conta con música en directo.

Xénero: teatro infantil-familiar

Público: a partir de 4 anos

Duración: 40 minutos

Prezo: Tarifa normal 3,00 €+ gastos de xestión

Tarifa reducida (colectivo nen@, estudantes e xubilados): 2,40 € + gastos de xestión

­Entradas xa á venda en ataquilla.com e o día 3 de decembro no portelo do Teatro, de 17:30 a 18:15

-El dios del pop. O artista recrea a vida cotiá dun imitador de Michael Jackson. Nada do que se conta en escena está extraído de biografías oficiais de Michael Jackson nin provén de lendas que rodean ao personaxe.

Xénero: teatro contemporáneo�Público: + 16

Duración: 80 minutos

Prezo: Tarifa normal 4,00 €+ gastos de xestión

Tarifa reducida (colectivo estudantes exubilados): 3,20 € + gastos de xestión

Entradas xa á venda en ataquilla.com e o día 19 de novembro no portelo do Teatro, de 19:30h a 20:15 h